‘Stuur groete aan Mannetjies Roux’ - Musiek en liriek deur Christopher Torr. ‘Daardie drie van Mannetjies Roux’ was teen die Britse Leeus in die Vrystaatstadion in 1962 gedruk. (Kyk die volledige video op YouTube. Daar was soveel hoogtepunte wat verband hou met hierdie liedjie. Om net ‘n paar te noem: 1) Toe dit in 1990 ‘n weghol-treffer vir my en Chris geword het; 2) toe ek met die gelyknamige album die eerste Afrikaanse vroulike sanger geword het om ‘n CD vry te stel; 3) en 4) toe daar ‘n verhoogstuk en ‘n film uit die liedjie gebore is; 5) toe die wolke skielik begin saamtrek het op ‘n glashelder sonnige dag gedurende ‘n konsert by die Voortrekkermonument, waar ‘n groep van ons kunstenaars vir ‘n fondsinsameling vir die droogte-geteisderde boere opgetree het. Teen die tyd dat ek “O stuur ons net so ‘n bietjie reën” gesing het, het die sluise van die hemel skielik oopgemaak. Met die huis toe-loop het mense gesê: ‘Nog nooit was dit so lekker om nat te reën nie’; 6) en toe ek op Loftus se veld langs Mannetjies gestaan en ‘Stuur groete aan Mannetjies Roux’ vir hom, ‘n tuisskare van 60,000 mense (en sommer die res van die wêreld (!) tydens ‘n direkte stroom van die wedstryd op televisie) gesing het. Hoe moet ‘n hart dan soveel vreugde hou, vra ek jou. Hierdie video is destyds deur André van den Heever vervaardig. Dit was op Mannetjies en Charlotte se plaas, Nobelsfontein, afgeneem. Baie liefde vir jou dag. #fyp #viral #mannetjiesroux #afrikaans #afrikaansisgroot #fypage