🇱🇧🇱🇧 @mayyasofficial 🇱🇧🇱🇧 على قد ما الشعب اللبناني قادر ينجح ويكسر الارض ويثبت كل مرة انه من الضعف الواحد بيخلق قوة ونجاح. على قد ما حكام هالبلد البلا ضمير بيسووا قشرة بصلة. من الكبير للزغير. متخيلين نحنا اللبنانيين (هالكم مليون الكتير قلال) لو حكم بلادنا ناس عندها ضمير.. كان ممكن لبنان يكون من البلاد الحاكمة لكل العالم. عادة ما بحب احكي بتعصب. بس بهيك يوم لما يكون حدا من بلدك محقق نجاح عالمي.. وتفوق على كل المواهب المشاركة معه.. ما فيك ما تحس بفخر انك بتنتمي معهم لنفس البلد. خصوصا انه هالنجاح خارج الوطن. ببلد ما فكر يربح مواطن اميريكي لمجرد جنسيته. بالعكس ربح فريق عربي لبناني 🇱🇧، لانه موهبته فرضت حالها. #كرمالك_يا_لبنان 🇱🇧 كان شعار فرقة مياس العظيمة بقيادة الموهوب جدا "نديم شرفان" ❤️.. هالشعار اللي خلانا كلنا ننسى كل الصعوبات اللي عم يعاني منها هالوطن "الغلبان" وننبسط ونفرح مرة جديدة.. وكأنه عم يعطينا امل انه لو شو ما صار.. "لبنان ما بيموت.. ولبنان رح يرجع" 🇱🇧 اما بالنسبة للسياسيين او اي حدا تابع للسلطة حاسس انه هالنجاح اله.. بحب قله: قعود على جنب وانت ما خصك.. انتوا لعنة هالبلد. واي نجاح اي حدا مننا بيحققه.. هو لهزيمتكن بيوم من الايام. 🇱🇧🇱🇧