對上一次喺現場開工,原來已經係四年前了。 呢部雖然冇上一部拍咁耐,但實在拍得好開心。製片大大做前期時話呢套唔似拍戲,因為production office好少咁多笑聲。拍咁多年戲亦未試過老闆同成班演員好似萬歲大賽咁,日日排住隊嚟。 但最開心嘅,係見到台前幕後都盡心盡力去做。我不止一次睇mon睇到流眼淚,呢個唔係淨係講緊演員的演繹,演員要喺鏡頭前做得好,係要靠鏡頭後所有工作人員的energy推出來的。尋晚同編劇Terry講開呢件事,係現場的energy flow,拍戲的一度「氣」,原來真係感覺得到的。 衷心感謝所有台前演員及幕後工作人員。沒有了你們任何一個,少了一度氣,就不成戲了。多謝。