《緊張到嘔系列》 本身以為自己唱歌唔驚, 點止耳仔一響起個金像獎大會音樂 個人即刻震左出黎... 記得4年前,我哋mirror都有份行紅地氈 但由於入場人數有限 我哋又太多人🙊 mirror+error 得6個名額可以入場睇金像獎 當時,我行完就番屋企lu 事隔4年... 終於番番黎呢個show。 Mirror為金像獎做到一首主題曲 我都兌現左4年前嘅承諾, 唱到一首電影主題曲... 仲有幸入圍「歌曲獎五強」 係台上表演... 宣佈嗰陣我同花姐係後台緊張到震。 雖然同歌曲獎擦身而過 幫唔到《媽媽的神奇小子》呢部電影拎獎 幫唔到mirror爭一口氣有d可惜, 但有得係現場perform 比大家感受到首歌同套戲嘅connection、我嘅感受 已經好開心。 雖然冇獎, 但好想多謝好多野 多謝魯生、花姐、AM team一手一腳湊大我哋。 好多謝今年係「電影」呢條新道路上 遇到嘅人同事。 mirror真係好好彩~ 好多前輩都會好錫我哋, 佢哋成日都會同我哋講傳承! 見到果陣,每一位都用盡自己所識嘅去教我哋 比好多機會、支持support我哋 衷心好想多謝佢哋每一位。 仲有柳柳粉、鏡粉 如果唔係你哋 唔會有今日嘅我哋, 多謝你哋為我哋無私嘅付出 多謝你哋每一位一直好似蘇媽媽咁... 陪住我呢個蘇B行呢條《神奇之路》。 我應承你哋每一位, 我哋香港嘅作品,無論音樂/影視 一定會再次走番入世界舞台~ 加油! #神奇之路