🐝 初夏,窗外有胡蜂來來往往,堆疊收集而來的素材,建個小巢。 唔覺唔覺,好快就大了幾倍,社群也壯大了,小巢變了社區中心。 見到時係有啲驚,同時又佩服個效率同造工。不過,都係要諗點算,因為佢哋開始揾到門路入屋。 坊間大部分滅蟲公司或食環,都以「消滅」為綱,殺無赦。然後諗起有睇過 @beetaleshk 嘅相關報導,佢哋倡議用非傷害式方法移走太近人類住處的蜂群,亦會將蜜蜂帶往適合的地方暫住/飼養。希望話俾大家知,平衡城市同蜜蜂,係有方法嘅。 朋友仔嚟到,三兩下手腳,就禮貌地邀請胡蜂們離開了。過程唔大陣仗,亦唔harmful 希望佢哋下一個屋企會係附近山頭的陰涼樹下。又,如果佢哋再返嚟,朋友仔亦已留下錦囊,教我點樣好好處理。 當人嘅屋企面對無可抗力嘅重建拆遷,我哋會話係「趕盡殺絕」 而都市嘅毁滅式發展搞鳩到幾多動物植物都係同質性道理 過完個冬天,蜂們又開工喇,如果有幾隻小蜜蜂開始喺你窗外、冷氣底聚集,你打邊個電話、向咩人求助,個結果可能好唔同。 所以呢,一人行一步啦好嘛 :)