⚡️突發阿媽 IMAX正場場次⚡️ 阿媽嚟到第10週,已經行咗好遠啦!隨住唔同嘅電影上畫,我哋嘅場次會越嚟越少,都係非常理解嘅。當然,我亦都知道有好多包場繼續進行中! 一直都有朋友同我講,見到我之前分享過喺 IMAX睇《阿媽》,佢哋都好想試下。不過佢哋係想感受下喺咁大個銀幕睇呢套戲,而唔係想參與有燈牌同大合唱嘅粉絲包場。 我明呀,雖然我哋呢套戲並非IMAX 格式,但係喺大院同細院睇戲真係兩種觀影感受! 「電影影像變得那麼大,無論聲音和畫面,始終還是和平日戲院有點分別,就好像小時候跟爸爸去看電影一樣,因為自己很小,覺得銀幕裏的演員很偉大,畫面很震撼。聲音在空氣裏的迴盪也是不一樣,是真實地有種登上「大銀幕」,變成「大電影」的激動,又有一種夾雜童年回憶的溫馨。」 趁仲有少少空檔,今次《阿媽》真係「成功爭取」到10月16日星期日一個靚嘅時間喺iSquare 開一場IMAX放映比公眾買飛睇。 日期 2022年10月16日 (日) 戲院 英皇戲院 iSQUARE 場次 18:20 🔥注意,呢場唔係特別包場,而係一場「普通放映」,係俾電影觀眾純純正正咁喺IMAX 大銀幕觀賞《阿媽有咗第二個》,票價一樣 ($110),你買一張飛都可以,觀眾亦必須安守戲院一般睇戲規矩。 多謝英皇戲院嘅特別安排,門票已經有得賣啦! 我搞出嚟,當然都會嚟謝票!到時見! #阿媽有咗第二個 #imax戲院