Elsku hjartans fjölskylda og vinir mínir nær og fjær. Ástarþakkir fyrir allt. Árið 2021 mun ég minnast. Mér þykir vænt um þetta ár. Það gaf mér ómetanlegar minningar sem ég á fyrir mig og enginn getur tekið af mér. Ég útskrifaðist sem Leikari í flokki ótrúlegra listmanna, áskotnaðist mér svo mitt fyrsta hlutverk í kjölfarið við Stundina okkar. Sá á eftir Sóleyju minni til Lissabon þar sem hún spilar fótbolta i vetur. Ég er svo stoltur af þér. Ég fékk að frumsýna La Traviata sem sýningarstjóri með Óperunni. Sá Vínarborg, Mílanó La Scala Óperuhúsið Sýning: ekki góð Upplifun: Óútskýranleg Leikhús: Meira leikhús hef ekki upplifað lengi. Ég heimsótti svo Sóleyju mína í Portugal þar sem okkar kona var orðin eins og innfædd. “Nei Níels minn - við förum ekki í efri borg þar er ekkert að finna” Lenti ég svo heima 29. Nóvember. 1. Desember rann upp og nældi ég mér svo í Covid í annað sinn; HJÚKRUNARFRÆÐUR: “Er það Níels?” NÍElS : “Það er ég” (sagði ég með brosi á vör og vissi í hvað stemmdi) HJÚKRUNARFRÆÐUR: Ég held að ég hafi hringt í þig í fyrra. Mikið ert þú eitthvað móttækilegur. NÍElS : Já er það virkilega? HJÚKRUNARFRÆÐUR: Ert þú ekki bólusettur? NÍElS : ÉG ? Jújújú - ég er tvívegisbólusettur af Phizer. HJÚKRUNARFRÆÐUR: Jahérna hér jæja engu að síður ert þú kominn í einangrun. Önnur einangrun og sú fyrsta á árinu var yndisleg. Því sný ég mér að EINUM AF toppi ársins. Ég sá eldgos og var það gaman jújú ekki misskilja mig. En það var ekkert á við það að fara í bólusetningu. Maður lifandi. Ég hef aldrei fengið jafn merkingafullt “Góðan daginn” og þá. Og fylgdi í kjölfarið “Hægri eða vinstri” og svo vissi ég ekki fyrr en öskrað var “LÍNA” á svo öruggan, yfirvegaðan og sannfærandi hátt að heil hersveit heilbrigðisstarfssfólk færðist áfram og bauð góðan daginn. Þetta var falleg stund sem ég á með mömmu minni. Á árinu fékk ég svo að fylgjast með bestu vinum mínum vaxa og dafna sem feður, mæður, leikarar, golfkennarar, leikstjórar myndlistarfólk og alskonar alskonar. Og nú er 31. Desember :) Ástarþakkir fyrir árið og allt liðið vinir mínir. Ég bið að heilsa ykkur hér frá Vestmannaeyjum og hlakka til að ganga inní nýtt gæfuríkt ár með ykkur. Ykkar Níels