. ويامساء الحب 💞 ويامساء الخير والرضا لكل العرايس والبنات والأمهات المحجورات💝 . وش رايكم بتثبيت الطرحة يجنن صح ؟🤍😍 . . العروسة الزعلانه تعالي شوي واعتبري توك مخطوبة وخلونا نستبشر خير بدخول شهر الخير 🌙ويارب يوفقني وياكم لختم القران مرات كثيرة 🕊، احس هالسنة بتكون اكثر سنه نختم بها القرآن 💝 تدرون متفاءلة خير لأن كل أمر المسلم خير ومايجي من الله الا الخير 💐 وكل ما اشتدت الأزمات جانا الفرج من حيث لانحتسب (إن مع العسر يسرا ) . فكل وحدة كانت مهملة بروحها هذي فرصتها انها تستغل هاليومين بالخلطات الحلوة لتفتيح الركب والاكواع والمناطق الداكنه 💖 ولاتصعبونها على أنفسكم ربي يسعدني ويسعدكم وىش رايكم بأسهل وصفة تنعيم بحكم اغلاق المحلات واللي هي (زيت زيتون وجليسوليد وشوي مرة ليمون ) كل اربع ايام تخلطين لك كمية وتدهنين بها كل جسمك ، و لاتكثرين زيت الزيتون عشان مايطلع له ريحة وتتضايقين منه ، وحطي كمية قليلة مثلا اقل من ملعقة زيت زيتون وملعقتين كبار جلسوليد واقل من ملعقة ليمون_لاتكثرين_ ) مقادير عشوائية ،وسوي مقدار ونادي بنتك اذا عندك بنت او اختك وخليها هي تخلط معك عشان تتشجع لأنه البنوتات الصغار مايعرفون ويستحون فيبي لهم من يعلمهم 🌸وشي ثاني بعد اللي هو موية الورد اللي عندها تمسح فيها وجهها ويدينها (تعطي حيوية) 🌸🌸وعندكم بعد الزبادي للبشرة حلو برضو ، خليه الى ماينشف اغسليه ،، 🤍والزيوت للشعر لاتنسونها 💆🏻‍♀️الزيت اللي تحبينه استخدميه والمهم بالزيت اطراف الشعر 💇🏻‍♀️ . . تدرون جايتني رسايل من عرايس يشتكون من حشرات الشعر 🤦🏻‍♀️ . بالله اي وحدة تشتكي من هالشي هي او اخواتها او بناتها لابد تعزم على تنظيف شعرها وشعرهم ، الموضوع يحتاج متابعه وبلاها اهمال بليز 😩 واللي متعودات بوديكير بالمشاغل اليوم جربوا بوديكير البيت 💅🏻 . . باذن الله بنطلع من الحجر افضل وبنفرح بزواجات عرايسنا واخوانا ، وصلوا عالنبي عليه الصلاة والسلام وفرحوني بلايك الله يفرحكم♥️