我細佬大個仔啦 今晚成餐飯都係佢煮俾我哋食 仲要每一道菜都係水準之作 由今日下晝三點開始準備自己備料自己一路洗一路煮 煮完餸個廚房仲立立令 俾我就一定好似10號風球 誠意十足 難免有啲感動有啲安慰 本來仲諗住幫手整個蒸水蛋 點知又咕嚕魚,又琵琶豆腐,又唔知咩蒸雞,同埋最邪惡嘅福建炒飯再加兩個菜 平視對澱粉質視而不見擦肩而過 避得就劈嘅我 今晚食到一粒都冇得 細個最鍾意同佢去唔同嘅大排檔食 炒咕嚕肉魚香茄子煲麻婆豆腐 佢而家竟然可以好招積咁講 你想食乜我都可以煮到俾你㗎 叻喇叻喇! 其實可以一家人坐埋一齊食飯就已經係100分