كل يوم يتكرر علي هالسؤال من الزباين : آنه شعري خفيف بركب وصلات دائمة ( ستيكرز او اي نوع ثاني ) اشرايچ . جوابي يكون لا ، الوصلات الدائمة تضر الشعر ، مكان لستيكر او مكان التركيب يتضرر سوا الجذور او ما بعد الجذور بشوي تضعف الشعرة لان فيها شي يسحبها و بعدين تتقطع ، حتى لو ما تضرر من اول مرة بيتضرر مع الاستمرار . و لما يكون تركيبهم خفيف علشان لا يتضرر الشعر كل ما تسبحتو او مشطتو شعركم او استشورتو شعركم تطيح الوصلات و تضطرون ترجعون للصالون مرة ثانية علشان يركبونهم . و يسئلوني يوم الحفلة شنسوي شعرنه خفيف ما يستوي فيه شي ، الوصلات المؤقته حل سريع حق يوم الحفلة كلها چم ساعة و انتي شايلتها ، اقل ضرر و اقل تكلفة ، و اذا تركبت بشكل لطيف ما يكون في ضرر نهائياً . بغض النظر عن السعر المكلف للوصلات الدائمة ، اهي تعطيكم احساس ان شعركم كثيف ف مو مضطرين تبذلون جهد لتحسينه او علاجه ، لان اغلب الناس يدورون الحل السريع بدون تعب . من رأيي الافضل تدفعون لأكل صحي و متكامل علشان يكثف شعركم بدال ما تدفعون حق وصلات بتزيد الطين بله ، لأن التغذية اهي الاساس. او دفعو حق علاجات شعر و ڤيتامينات مكملة تساعد على كثافة شعركم و تحسينه و افضل مكان لعلاج الشعر اهو العيادات . اتمنى لكم شعر قوي و صحي 💜💜💜 #afafalasfoor #hairextensions #permenanthairextensions #hairstylist #hairdresser #مصففة_شعر #عفاف_العصفور #وصلات_شعر_دائمة #وصلات_شعر