由「陳仔 」走到叫 「陳生」 好似幾日既事 琴晚突然自我回顧 回憶片段返到去我20歲打工既時間 當時既我日日返工望放工 個個月搵幾千蚊 捱到月尾又一條好漢 周而復始 冇業績 冇夢想 咸魚都好味過我 結果有日上司走黎問我 :「你想點?不如你諗下有冇其他地方適合你 我比一晚時間你諗諗」 唔想連幾千蚊都冇既我 第二日諗住返去同佢講我會比心機 我會點點點 我會..... 正當我開口之際 上司已經搶先一步:「係咪諗清楚一定要走呢! 我幫你執好晒啲手尾 唔洗擔心架啦」 當刻我呆左 完全反應唔切 只能微笑點頭 然後做左一場「咁都比你估到我想走」既戲 其實當時真係好憎呢個上司 想炒我又兜咁大個圈 但之後諗返 佢呢個方法 其實已經好俾面 重點係 佢迫我走出呢個comfort zone 呢個令我成為無限輪迴咸魚既comfort zone 如果冇佢幫我做呢個決定 一定無今日可以為自己夢想奮鬥既陳生 突然好想係36歲生日呢一日 多謝呢位上司 多謝你🙏 #點解我細個叫陳仔 #因為d客會咁叫我 #36 #要更加努力