「一個月黑風高的晚上 一個停經邊緣的燥狂師奶 一個痛恨兒童的兒童節目主持 和一個厭世毒舌的咖啡店老闆 突然被穿着奇異的神秘女子帶到隔離艙之中...」 當日梁祖堯在《爆谷一周》朗讀了《隔離童話集》的故事大綱,渣斗的我下意識以為應該如無意外都係幾個互不相識的人被困隔離方艙或隔離酒店的故事...... 點知估錯晒,人哋不知幾有創意,好佩服能夠度得出呢種好似唔關事但其實又好關事、天馬行空但主題又實到框框聲嘅故事。仲要好有娛樂性,在戲院久違了的笑到拍手場面,在劇院內掌位此起彼落。台前幕後都表現得非常出色,真係好叻、好有創造力、生命力同埋力,做劇場真係少啲力水都唔掂,個個俾足力。 劇場也是一個充滿愛的地方,不止能感受到工作人員對劇場的熱愛及相互之間的相親相愛,更顯著的是來自觀眾的愛,演員演出落力,觀眾笑聲、掌聲也不遺餘力。 好似仲有幾場,不過唔知賣晒飛未?希望有 Re-Run 。若然你覺得個人懨懨悶悶,快啲去睇番場《隔離童話集》,分享吓啲氛圍,睇完包你滿血復活,可以又捱過...... #風車草劇團 #隔離童話集